يعاني النجم المصري محمد صلاح من فترة صعبة داخل ليفربول خلال الموسم الحالي تحت قيادة الهولندي آرني سلوت، بعد ما فقد مكانه الأساسي في آخر 3 مباريات متتالية بالدوري الإنجليزي قدّام وست هام، سندرلاند، وليدز، وده شيء غير معتاد تمامًا بالنسبة له.
تصريحات صلاح عن مستقبله
صلاح خرج عن صمته وتكلم في تصريحاته لقناة TV 2 Sport قائلًا:
"كنت فاكر إن مسيرتي هتنتهي هنا في ليفربول، بس الواضح إن ده مش اللي بيحصل معايا دلوقتي".
وأضاف:
"الإدارة وعدتني حاجات كتير في الصيف، لكني قعدت على الدكة في 3 ماتشات… ومقدرش أقول إنهم نفذوا اللي وعدوني بيه".
وداع محتمل قبل أمم إفريقيا
صلاح قال كمان إنه هيودّع جماهير ليفربول في المباراة الجاية ضد برايتون، لأنه بعدها هينضم لمنتخب مصر للمشاركة في بطولة أمم إفريقيا، وأضاف:
"مش عارف إيه اللي هيحصل وأنا هناك… ومش متأكد إذا كانت مباراة برايتون هتكون الأخيرة ليا مع ليفربول ولا لأ، بس الوضع الحالي مش مقبول بالنسبالي".
صلاح منذ 2017.. مسيرة مليانة إنجازات
ومنذ انضمامه صيف 2017، قدم صلاح مستويات أسطورية مع ليفربول على المستوى الفردي والجماعي، وحقق بطولات وأرقام قياسية جعلته واحد من أهم لاعبي النادي في العقد الأخير.
