إمام عاشور يعود للتشكيل الأساسي للأهلي أمام الجيش الملكي بعد الإيقاف

 

في تصريحات إذاعية عبر راديو «أون إف إم»، رد حامد حمدان على سؤال مباشر عن مفاوضات الأهلي والزمالك والأندية المهتمة بضمه، وقال إنه مش مشغول حاليًا بمستقبله الشخصي، وإن كل تركيزه في الفترة الحالية مع منتخب فلسطين.

 اللعب قال بالنص إن هدفه الأول دلوقتي هو إسعاد شعبه وتحقيق آمال الجماهير الفلسطينية بمواصلة المشوار في البطولة العربية، وبعد انتهاء المشاركة مع المنتخب يبتدي يفكر بهدوء في العروض اللي قدامه، سواء من الأهلي أو غيره من الأندية.

الكلام ده بيأكد إن اللاعب حاطط المنتخب في المقام الأول، ومش عايز يشتت نفسه أو زملاؤه داخل المعسكر بأي تفاصيل تخص الانتقالات.

 تأهل تاريخي لفلسطين في كأس العرب

 تألق حامد حمدان مع منتخب فلسطين خلال بطولة كأس العرب كان سبب رئيسي في زيادة الاهتمام بيه.

 اللاعب قاد المنتخب لتأهل تاريخي إلى دور ربع النهائي، بعد تصدر المجموعة الأولى بفارق الأهداف عن منتخب سوريا، في إنجاز مهم جدًا للكرة الفلسطينية.

 مستواه في خط الوسط، من حيث الحركة والضغط وصناعة اللعب، لفت أنظار متابعين كتير، وخلّى اسمه يظهر على رادار أندية عربية كبيرة، في مقدمتها الأهلي والزمالك.

 تألقه مع بتروجت يفتح له أبواب الاحتراف

 مش بس مع المنتخب، حامد حمدان لفت الأنظار كمان من خلال أداؤه مع نادي بتروجت في الموسم الحالي.

 بيقدم مستويات مميزة كلاعب وسط عنده مرونة تكتيكية، يقدر يلعب في أكتر من دور، سواء صانع لعب أو لاعب ارتكاز متقدم، وده خلاه من أهم العناصر في وسط ملعب الفريق البترولي.

 التقارير بتتكلم عن إن أندية محلية وعربية بترصده من فترة، لكن المشاركة في كأس العرب خلت الأضواء عليه أقوى، ورفعت قيمته في السوق بشكل واضح.

هل ينضم حامد حمدان للأهلي قريبًا؟

 لحد دلوقتي، اللاعب ما أكدش وجود مفاوضات رسمية مع الأهلي، لكنه في نفس الوقت ما نفاش اهتمام أندية كبيرة بضمه.

تصريحاته كانت واضحة:

أولًا المنتخب، وبعد البطولة يتم دراسة كل العروض واختيار الخطوة الأنسب لمستقبله الكروي.

 من ناحية تانية، احتياج الأهلي للاعب وسط مميز عنده قدرات هجومية ودفاعية ممكن يخلي حامد حمدان خيار منطقي لو قررت إدارة التعاقدات التحرك رسميًا بعد نهاية كأس العرب، خصوصًا مع صغر سنه وقدرته على التطور.

 مستقبل مفتوح… والجماهير تترقب

 الجماهير الفلسطينية فخورة باللي بيقدمه اللاعب مع المنتخب، وجماهير الأهلي والزمالك وباقي الأندية تتابع مبارياته باهتمام، في انتظار ما ستسفر عنه الأيام المقبلة.

 اللي واضح إن حامد حمدان اختار الطريق الصح:

يركز في الملعب الأول، وبعد كده يفكر في العقود والأرقام والعروض.

 وفي كل الأحوال، استمرار تألقه في البطولة العربية هيرفع من قيمته، وهيوسع دائرة الأندية المهتمة بالتعاقد معه في الميركاتو القادم.