بدأ اسم أفيميكو بولولو يفرض نفسه بقوة
على مائدة صفقات الأهلي في انتقالات يناير، بعد ما كشف موقع ترانسفير ماركت
العالمي عن وجود مفاوضات فعلية بين النادي واللاعب، ومع توقعات بارتفاع فرص إتمام
الصفقة خلال الأيام اللي جاية.
الموقع أكد إن نسبة نجاح الصفقة وصلت
38% لحد دلوقتي، وده رقم بيقول إن في تواصل قوي، خصوصًا مع رغبة الأهلي في دعم
الهجوم بلاعب يقدر يفرق في دوري الأبطال.
مين هو أفيميكو بولولو؟
بولولو عنده 26 سنة، ومهاجم كونغولي
بيلعب حاليًا مع ياجيلونيا بياويستوك في الدوري البولندي، النادي اللي بيحتل
المركز التاني ومقدّم موسم ممتاز رغم إنه لاعِب مباريات أقل من المتصدر.
رحلة اللاعب بدأت من نادي بازل
السويسري، وبعدها خرج إعارة لـ نيوشاتيل، قبل ما ينتقل لأندية تانية وصولًا لفريقه
الحالي سنة 2023، واللي انفجر فيه تهديفيًا.
أرقام بتقول كتير
أفيميكو بيقدّم موسم ولا أروع مع
فريقه، وده ملخّص أرقامه:
لعب 23 مباراة ، سجل 11 هدف ،و عمل 2 أسيست
إجمالي مسيرته: 331 مباراة – 100 هدف –
28 صناعة
فاز بالدوري البولندي وكأس السوبر 2024
اختير في التشكيل المثالي للدوري
هداف دوري المؤتمر الأوروبي بـ 8 أهداف
الأرقام دي بتقول إن اللاعب جاهز يقدّم
حاجة مختلفة، خصوصًا إنه يعرف يسجّل ويتحرك ويصنع، وكمان عنده خبرة مسابقات قوية.
ليه الأهلي مهتم بضمّه؟
.png)
وعنده مرونة يتحرك على الأطراف وفي
العمق ، وده كله موجود في بولولو.
غير كده، اللاعب واخد ثقة كبيرة بعد ما
اتوّج هدّاف دوري المؤتمر الأوروبي ووصل مع فريقه لربع النهائي.
هل الصفقة قريبة؟
المؤشرات بتقول إن المفاوضات ماشية في
اتجاه إيجابي، خصوصًا إن القيمة السوقية للاعب 4 مليون دولار، رقم الأهلي يقدر
يتعامل معاه لو الإدارة شايفة إن المهاجم هو القطعة اللي ناقصة للخط الأمامي.
الأيام الجاية هتكشف أكتر، لكن لحد
دلوقتي…
بولولو هو الاسم الأقرب لقيادة هجوم
الأهلي في يناير.
