يبدو إن بداية ييس توروب مع الأهلي مش ماشية بسهولة، بعد ما تلقى أول صدمة ليه من يوم ما مسك تدريب الفريق، والسبب إصابة محمد شريف في ماتش إيجل نوار البوروندي.
أول أزمة لتوروب في الأهلي
توروب اتفاجئ بعد الماتش إن مفيش بديل جاهز لمحمد شريف في مركز المهاجم، وإنه مضطر يعتمد على السلوفيني جراديشار لوحده في الخط الأمامي خلال المباريات الجاية.
الإصابة اللي اتعرضلها شريف في العضلة الضامة هتخليه يغيب عن 3 مباريات متتالية على الأقل، قبل بطولة كأس السوبر المصري اللي هتتلعب في بداية شهر نوفمبر، وده خلا المدير الفني يطلب من إدارة الأهلي التعاقد مع مهاجم سوبر في انتقالات يناير 2026.
توروب بيطالب بصفقة هجومية
مصدر داخل النادي أكد إن توروب مستغرب من النقص العددي في مركز رأس الحربة، وإنه شايف إن الفريق لازم يدعم الخط الأمامي بشكل سريع علشان يقدر ينافس محليًا وإفريقيًا.
جدول مباريات الأهلي في أكتوبر
الأهلي عنده 3 مواجهات مهمة قبل السوبر المصري:
الأربعاء الجاي: الاتحاد السكندري في الدوري.الأربعاء 29 أكتوبر: بتروجت في الجولة الـ12 من الدوري.
